سنگ آلادانگ پولونگ
اؤز گوٌزرانئنگ
آ من بوُلسا دورموشدان
غابانئب گلیأن
سانگا دورموش دیسم
دینگه بیلیأنینگ
دورموش دییلیأنی
نأمه کأ دییأنگ ؟
دورموش ایلئنگ گوٌنوٌنگ توُیونگ توُما شانگ
اهلی دأب دستورئنگ
غارئغلی شوُنگا
انه دیلینگ توٌرکمن دأبینگ بوُلماسا
اوٌید گأن گوٌنونگ
توٌرکمن دییلمر سانگا
سن بوُلسا بو زات لار
پینگینگا دا دأل
اهلی گوٌنألری
دؤوردن گؤریأنگ
ایل گوٌنینگ آغئرئب
اینجان گوٌن لری
سن گؤنی دورموشونگ
ترسینه باریانگ .
طبیغات- دا هیچ بیر کادا اوٌید گأناق
چشمه اؤنگکی چشمه
گوٌل لر اؤنگکی گوٌل
بالئق لارام هاچان توتسانگ بالئق دیر
شو زات لارئنگ پارخئن بیلملی اوُغول
دورموش دییلیأنی
اوٌید گه مأن غالماق
دؤوردییلیأنی ساوئلار گیدر.
گوٌنه باقار لارام باقماسا گوٌنه
بیلگین اوُنگ غاماغی دوی لر گیدر
سنگ آلادانگ پولونگ
گؤیأ چراغ دی
آ من بوُلسا دورموشدان
غابانئب گلیأن
سنگ پولونگ آلسالار
اؤچ مِگینگ ممکین
من دورموش غوتارسا
اؤلجگیم حؤکمأن
سن بیلن من دوٌشونملی ایکیمیز
ایکی اِل بیریگسه
یوٌزیمز یووار
دوورلرگچسه – ده
دورموش یاشاسئن
ایل آلادانگ یاشان
یاشئنگا دِگر..
تانئشدئم
اوقاب ایدیم آنچا بییک رمان لار
رمان لاردا داغ لار بیلن تانئشدئم
غایتالاندی نیچه گچن زامان لار
شاهاماتلی چاغ لار بیلن تانئشدئم
اکیت دیلر منی اوزاق ییل لارا
ساری غامئش ساری سولی چؤل لره
عار ناموسلی شیر غایراتلی ایل لره
تیغ یارالی بگ لر بیلن تانئشدئم
ایت لر گؤردیم غاچیار اوندان کییک لر
غارنی اوٌچون ایلین ساتان گؤییک لر
باطر خان لار غوُرکاق اِجیز ناییب لار
شاغال تیلکی شیر لر بیلن تانئشدئم
باطر بوُلوب دووشدیم گوٌشلی غانئما
غوُلئم سیندی دُولانمادئم ایزئما
ال غاتاندا دشمان حالال دووزئما
ال آتاندا دشمان اوُغول غئزئما
غانئم جوُشئب پیس لر بیلن چالئشدئم
برک یاشادئم حالال غالماق استه دیم
اؤزیمی یاغشی غئلئق لارا بسله دیم
یوٌز برنی اؤزیم کی دییب خاص لادئم
امما اورولان خانجار بیلن تانئشدئم
یوُل لار گؤردیم ماقصات لارا یتیرن
داغ لار گؤردیم پنا بوُلوب اوُتیران
چای لار گؤردیم گیردابئندا باتئران
آنگزاقلی غئش غارلار بیلن تانئشدئم
گؤردیم اوُندا کرون غئران حیله سین
یالنگغئشانلار ینجیلمأنی نیله سین
کاوئب یتیب کسیب غانئم کلله سین
شارلاب آکان غانلار بیلن تانئشدئم
خیال لاردان دوُلی دوٌرلی رمان لار
رمان لارا منگزش گچیأن زامان لار
دیزا چوٌکیب اِسله ننده آمان لار
اوُقی سینان یای لار بین تانئشدئم
رمان لار بیر دوٌنیأ دوٌنیأ بیر رمان
اِلغاراض غوتارماز اِووصاپئن یازان
اوُدلارئنگ اوٌستوٌنه دوٌنگدِرلیب غازان
داشئندا های های لار بیلن تانئشدئم
آت چا – دا یوُق گؤردیم آدام غایراتئن
آدام گؤردیم یایرادمالی زوریاتئن
اوُق دِگنده اوُل چکمدی فریادئن
یالان یردن وای لار بیلن تانئشدئم
پیسه ائنام بردینگ اوُنئگ أرئنأ
أریندن کأن غایرات بردینگ یارئنا
چئنئنگ بیلن چئرماشئبر کأرینگه
غالامئنگدا اوُد لار بیلن تانئشدئم
کیچی دألسینگ مانگا اولی اوُیئم سن
چنگگیزیم . مارکسیم توُلستوُیئم سن
غانئم لارا آتا بیلجک یایئم سن
آدام لارا پایلاب بیلجک پایئم سن
سندأکی بار اوُی لار بیلن تانئشدئم
آزدا - کأنده کِمچئلیک لر تاپئلار
اؤلچگ اوٌچوٌن نئشان بوُلوُر یاپی لار
کیملر عارشا چکر کیملر آسئلار
شو عؤمریمده شوُلوُر بیلن تانئشدئم
یؤری یوُلداش یؤری ینه یؤری سن
آرکانگ دوُلی رمان بیلن غارری سن
شِم دی یانئب گیجه لرده اِری سن
گیجه یانیان شِم لر بیلن تانئشدئم .