قادیر آغا
بیر گؤرسم ـ أ، بألچیک یالی،
بألچیک آغا، قادیر آغا.
کأ بیرگؤرسم چاغا یالی،
چاغا آغا، قادیر آغا.
چاغا دیسم ، چاغا یالی،
هامراق سؤزده ن گؤونی دوُلی،
اِدیل پأ ک لیگم شوُل یالی،
قادیر آغا، قادیر آغا.
اؤیونه بارسانگ کتاب دوُلی،
اؤزی ده اولی کتاب یالی،
یوُق، آوادان بیر اوستوُلی،
آغا یالی ، قادیر آغا .
همأ کیچی ـ همده کیشی،
چووآق بولسا دا اوُنگ ساچی،
بیر دیر داشیـ بیلن ایچی،
قادیر آغانگ، قادیر آغانگ .
اولی دیسنگ، جودا اولی،
همأ اولی هم یاش اولی،
منگزه دِ سم گلیأر داغا،
منأ سنی، قادیر آغا.
یوُق :
منگزه دِسم گله نوق سنی،
حؤکمأن منگزدیأرین سنی ،
چئنئم بیلن آیدیان شونی،
قا دیر آغا ، قادیر آغا.
بألچیک دیمک، دِگیشگن لیک،
دگجک بوُلیارئن، من سانگا،
یوُق دِگیپ بیلمرین، من سانگا،
سنأ خاص بیر، قادیر آغا.
همأ بای سن، همده غارئب،
همده شا سن، همده گدای،
یوق لا ، داش ادسینله خودای،
ایکیمیزه شا بولماغا ،
گره ک دأل ـ آ، قادیر آغا.
بیز یالی لار بوُلسون گدای،
گدای لئقدا بیر اولی بای،
بوُلسون بییک
بییک لره تای،
ماغتم غولا، کریم آغا،
قادیر آغا، قادیر آغا.
اورسغات اِدینگ غوتلاماغا،
گلدیک سیزی سئلاماغا،
مناسیب سیز سئلانماغا ،
قادیر آغا ، قادیر آغا.
« ساوچی»
قادیر آغانگ سئلاغ تویونا باغئشلاندی.
سئلاغ
اولی نی سئلاماق همده بویسانماق،
اوُزالدان عادات دئر، آرادا دأبدیر.
بو سِت بولسون یاشلارمئزا گؤرلده،
اولی نی سئلاماق ـ اولی ادب دیر.
ناقئل بار، آیدئلیار، اشیدن سینگیز،
« ادبینگ غاوسی اولی نی سیلا»،
یاش کأنگ یاناشئنگ، هم غوُنگشی بوُلونگ.
غئمماتی آلتئن دان اولی لار بیله،
اولی لانگ باشلاری ـ باشلانار اؤیدن ،
انه نگ ـ آتانگ، اولی مانی دئر آیدار.
« آتانگ بارقا دوست تانی» غئن دیله نی،
ادبینگم غاوسی، انه دن غایدار
انه ـ آتا سئلانسا، سئلانار اوُغول،
سئلانان اوُغولی، ایل گونِم سئلار.
گره گینی آلار ، خالق سئنچی دیر،
اونان اوغول لارئنی، داغ لارا دنگأر .
هر یووردئنگ بییک ـ بییک داغی بار،
داغ لانگ آنگئرسئندا، ینه داغ لار بار.
شوُل داغلاردئر اؤرکی ـ اؤزه نی یووردئنگ،
هر میللت اؤز داغلارئنا غووانیار.
غووانیارس، بوٌیسانیارس، بوٌیسانارچا بار،
تاریخئم پاجارلاپ اؤسن داراغتئم.
ترک ، من ـ تورکمن، غوجا یرینگ یوٌزونده،
بار اولی سانئغئم هم آیدئنگ باغتئم .
یکه دأل من، یالنگئز دأل من، شانلی من،
آچسام یوزوم ـ یوزمونگ میلیونا یتر.
الله نئنگ اِمرینده ن، اِمن آق سویدی،
اِمره من ـ هم غاتی، داش لاردان بتر.
غاتی من، غایئمادئم ، غایداوسئز غاردان،
آنگزاق غئشدا گؤیأ بوغدایئم یالی.
آرپا دان اِورندیم آق یوره ک لیگی،
حالال زحمت بیلن یوُغوردئم نانی.
غئرئلدئم، اوزولدوم، آزالدئم، اؤسدوم،
ینه کددأنگ ـ تؤرأنگ ائزئنا باسدئم،
اوزیلن کرونیمی ـ کرونه چاتئپ.
یوُقدئرهیچ پألیمده اؤلدیرمک قاصدئم،
یاشادئم من ،هم یاشاتدئم ائنسانی،
یارالا یِر بردیم آل آچئغئمدان.
پنا لاپ گله نه غوجاغمی آچئپ،
سوسانا سو بردیم تاقار چئغئمدان.
اؤزوم سویشدیم غوُنوُم غوُندی یانئمدا،
دوره گِی اوُتیردی، ساغئم ـ سوُلومدا،
یر بردیم ائنسان دییپ، انتأپ گله نه،
اممأ اوُلار غانئم بولدی جانئما.
آرقاما اوُق دگدی، یئقئلدئم یوزین،
گرچک لریم گؤز آنگئمدا آسئلدی.
دئزلارئمدا شهید لریم جان بریپ،
ناچار لارئنگ غارا ساچی کسیلدی.
شوُنداـ دا، دینگه بیر الله یالبارئپ،
اولی لاردان، خاص بیر اولا یاپئشدئم.
شوُل یه تیردی پناسئندا شو گونه،
مونگ بیر شوکور ، شیله گونه غاووشدئم.
شیدیب غایتدئم عاصر لارئنگ آرقاسئن،
اولی لار اِده بیم، ایده گیم بوُلدی.
پایخاص باشلی أگیرتلریم باتئرلام،
غارشئم ـ آرقام ، سوُلوم هم ساغئم بوُلدی.
آرمانئم یوُق، ینه ـ ینه ـ ده، ینه،
دولتلی توُی توتسام، اولی نی سئلاپ.
کئچی لرده ن ، کیشی ـ خاص کیشی دؤرأپ،
کیشی لنگ سانی نی، بوُلماسئن ساناپ.
«ساوچی» 10/7/91
· آل آچئق = آلاچئق ( آلنئ آچئق اؤی )
. اونان ـ انتخاب ، گزینش .
سحرواغتی اؤسن یل، آلدئنگ منینگ قارارئم،
بارسانگ یارا یتیرگین، منینگ عارض سالامئم.
اؤزگه یارا دوُلانماز، شوُنی سؤین خیالئم،
باغئش ایله سین غاشئندا، گِرهم بولسا گوٌنأهیم،
یارا یتیرعارضئمی، ائنها شیله پیامئم.
عاشئق بوُلان بیر بوُلار، اگر بوُلسا وپاسی،
ماغشوق سؤزی زر بوُلار، گِرهم بوُلسا جفاسی،
سن سیزمانگا یاراشماز، آی و گونونگ صاپاسی،
آلتئن ـ کوٌموٌش عأ لمینگ، بیر زره یوُق باهاسی،
بادئ صابا یتیرگین، غام چکمه سین نیگأریم.
یارا یتیرعارضئمی، ای داغلارئنگ شمالی،
ترک ایله دی یاردیییپ، قئلماسئن هیچ خیالی،
بارماسام یأ گؤرمه سم، آدئ دیلیمده دوُلی،
آصلا یاتدان چئقارمان، آی یوزوندأکی خالی،
گؤزلریمینگ ایچینده دیر، زیبا یوزلی باهارئم.
غارا گؤزده ن آقار یاش، یادا سالسام آدئنی،
گلمسه اوُل غالام غاش، کیم سؤندیرر اوُدونی،
قاصد توتوپ اؤزومه، سحر واغتئنگ بادئنی،
گلسین منی اؤلدورسین، یأ آیئرسئن اوُدونی،
موندان زیاد دؤزمنم، یُوق دئر ایندی مئدارئم.
خوُش گیتدینگ ای صابا یل، خوُش لئق بیلن بارار سن،
غالام غاشلی اینچه بیل، نیگأریمی گؤرر سن،
یانئپ یازان عارضئمی، بیرـ بیر جوُغاپ برر سن،
دی ستاری تِرک ایلاب، کیم لر بیلن گِزر سن،
هرگونوم یئل بوُلوپ دئر، تیز یتیشسین قارارئم.
« 1345 اسگر ماشات »
آرزو لارئنگ غاناتئندا
ینه ده ، من یازآی لاری گؤِرِرین،
پوداق لاردا آقجا گوٌل لر آچئلار.
اوزاق داقی غوشلار یووردئن چالشئپ،
ساوئق یرده ن یئلی یووردا گؤچیلر.
دره لرده گوپوردِشیپ یئلقی لار،
اوُیون غوراپ چاریانا چاپئشار.
غایا لارئنگ گون اؤیونده ـ اؤی یاسان.
دورلی غوُشلار هِوری بیلن تاپئشار،
من ینه ده، یاز آیلاری گؤررین
باقچا لاردا آقجا گوٌل لر آچیلار.
توُقوُی لارئنگ اوٌن صالالئق یرینده،
یومشاق مِل لر چئوئق لارا چوُلا شار.
جانلئ گوٌل لرـ جانسئز گوٌل لنگ جایئندا،
آرلاپ ـ دورلاپ طاقچا لاردا غوُیولار.
چئغ سحرده اوقا گیدن گؤزلریم،
آق گونِشینگ آرزووئندا اوُیانار.
اییأم گچیپ گیدر غئسغاجئق عؤمور،
صاخئپالام سانار بیر گون چاغالار.
پایخاص باشلئ ابیاتئمی آختارار،
باشلارئ آق، عأینک لیجه آغالار.
داغلارئنگ باشئنا بولوتلار چؤکور،
دوُلئ دوشن دره لری دارئغار.
ائزی بیلن اؤسیأن سرگین شمالا،
یاپراق لارئنگ گؤز یاشلارئ سارئغار.
کرون گچیپ عُومورلری غایتالار،
ینه یازلار گلیپ گول لر آچئلار.
ارکین لیگه آرزولارا بسله نر،
بوگونکی چانگ باسئپ یاتان کوچه لر.
تلأرلردن اوزوم لرمیز ساللار ساچ،
سایاسئندا چاغاجئق لار گولوشر.
ساوچئ بوُلوپ هریئل گِلیأن غارلاواچ،
باهار گؤرکون ایل گون بیلن پایلاشار.