غارری گورگن

غارری گؤرگِن:  { 1}

غارری گورگن سنینگ یاشئنگ اوزالسئن          

سن  اولکامه گؤرنوک بریأن گُؤزل سینگ

مندن – ده بیرسانگا غازال دؤزلسین

عؤمؤر گِچیب  آیرا سالسا روزگار  

غوُی بیزدن- بیر نشان غالسئن یأد یگار

غارری  گورگن هانی اؤنگکی اوُبالانگ        

آق یؤرک لی آق ساقال لی آقالانگ

چأگه لنگده گؤرش غوران چاغالانگ

غارری لئغا سالان بولسادا ییل لانگ

سالام آیئتدی سنگ اولالدان اوُغئل لانگ

آغشام چاغی چأگه لیگنگه گِلردیک

نیچأمئز غورت ،نیچه غوُیون بوُلاردئق

کأ اوروشوپ کأ یاراشئپ  گوٌلر دیک

اؤیکه  لرمئز گوٌلکی بیلن  غاتئشئپ

چاپشاردئق  گردنه  غوُل  آتئشئپ

اوٌچ اوٌچه سایلانار  اوٌچونگ بیری خان

منینگ آدئم  یردی  سنگ آد ئنگ آسمان

خان لار سایلاب آلار گِرگین  هریان

کیمه  آسمان گِرک  کیمه  یر  گرک

آسمانی  سن  آلا  بیزه  یر  گِرک

چأگه لینگده غورروق سووی  غازاردئق

میس جام  بیلن  دورجا سووی  سؤزردیک

کنارئنگدا  چوُیئن   گوُزلاب    گزردیک

دوٌرلی - دوٌرلی  ماشئن یاساب چوُیئندان

کؤلگه لرده  کیپ ادردیک  اوُ یئندان

توُموس آی لار آیلانچانگدا  گچردی

دابان لارمئز  غئزغئن چأگه چاقاردی

یوزلاب چاغا سودا چوٌموٌب چئقاردی

سودان چئقئب یارماشاردئق  باغ  لارا

باغ  باشئندان سیل اِدردیک داغ  لارا

 توت اؤزوم لنگ ائمئش یند ن اییردیک

غامچی اؤچین چئوئغئندان  اؤزردیک

گؤرشمِگی یارئشماغی  سؤیه ردیک

یاز گیجه لربای یارئشان گونلرئم

غئل یال منیب بای چاپئشان گونلرئم

غارری گورگن توُقای لارئنگ گِرمه دی

گِرمه سیندن غارری ساقجی بِرمه دی

بیر گِزه کده  بوقوب باردئق گوُرمه دی

حاتجا بیلن  دوٌرتیب آلئب گِرمه سین

آی قاچاردئق تاکی ساقجی گوُرمه سین

اوُغری لیق – دی  دوُغری لیقدی چاغالئق

حؤکوم  اِد میأردی هیچ  بیر آغالئق

بیر یانئنگ  بیته وی  بیر  یانئنگ یوُلوق

داد ئمئزدان  مگر   اوُبا  یاتاردی

هرکیم   گؤرسه  بیز لره  داش  آتاردی

بیرغارنئمئز آچدی بیر غارنئمئز دوُق

جوٌویمیزده  قاند - دی الیمیزده چؤرک

کیمه غارئب گِرک کیمه  بای گِرک

آلا کسدیر اوُیون لاری اوینادئق

اوُغلان لئقد ی اوُینامقدان دوُیمادئق

یاز گوٌن لری سوٌیر گونرته چاغلارئنگ

آشئق اوینا ب کؤلگه سینده  جای لارئنگ

دادئب گؤریب  میوه سیند ن باغ لارئنگ

حاولئغاردئق توت اؤزوم لر  بیشرمی؟

حاولئغساقدا  توت واغتئندا  بیشردی.

یاز آی لاری یابدان یلمیک یئغاردئق

پیلچه بیلن چئگئللمی  غازادئق

کومِلِک آی کوملک دیب  گزردیک

آجی والئنگ آجی واسی آجی دی

چاغا لئقدا آجی زاد-دا  سؤیجی – دی

یاز آی لاری توت اؤزوم لر بئشردی

گوٌندئزلِمزتوت باشئنده گچردی

سیلکِه لِسک  پایئر- پایئر غاچاردی

توت اؤزوم دی ائمئتئمز اؤچ  ماحال

یأ یاغشی – دی  یأده اقبال کِچ ماحال

غارری گوُرکن کِرت غایالانگ ییقیلدی

اوُلئمئنگدان  ایل  آیاغی  چکیلدی

آق غاوالی گُؤزل لرئنگ  سا تئلدی

ایندی  سانگا  سو آلمانا گِلمه  یوق

غئز یگیده  نأز اِدمه یوُق گوٌلمه یوُق

غارری گوُرگن غئزئل گوٌنینگ یاشاندا

غایا لانگا  غئزئل  شاپاق د وٌشنده

غارا سارلار  گوٌن دوُغارا   گِچنده 

سوٌری ما ل لار سو  ایچمأنه  گلردی

چوُپان  چوُ لوق غارغی توٌیدیک چالاردی

یایان  واغتی  یایلاچئلار   دوٌره سین

اورارد ئلار  هرکیم آلئب  بد ره سین

آیران  غالئب  یاق قئلاندا  لؤد ره سین

آیران  آلئب  اؤیه  ساری  غاچاردئق

گِلین اِجه لنگ غاتئق لاشئن ائچئردئک

غارا  گوٌن لر ایندی  غایدئب  گلمه سین

آچ لئق  یئل لار آچ   چاغانی آلماسئن

یارا  توتئب  چاغا لارئنگ   کِلله سین

یاشلئغئندا  کِل  بوُلوُردی بارئسی

گوُز آغئردی   یا ائچ  آغئر یارئسی

گوٌیز آی لاری ساری یاپراق  غاچاندا

 توُینا ق  یاساب گؤکد ن دورنا گِچنده

غارلاواچ  لار اؤیجی گیندن  اوچاندا

آچی لاردی موُغاللام ینگ مِکتبی

اوُقی یاردی چاغالارئنگ  تک تؤکی

آخ  انه لر مهربان دی گوُر نه تین

انه لی غیت بوُردی کأن اِردی یتیم

اوُینا ب گلسک آشئق یا آتئلئب سیم

گِلین  اجه لر غانت لی چؤره ک  برردی

اهلی  اؤی لر بیر اؤی یالی  بوُلوردی

غارری گوٌرگن قرق اؤی لی دیک بیر ماحال

خوُش گئچئردی عاید  بایرام هر ماحال

غارئب - غارئب بای لارئمئز بای  ماحال

یوُدا  یوُل لار بار غاپئغا  باراردی

بای . غارئبی غاناحاتلی  بوُلوُردی

غئش آیئندا  غار یاغاندا گیجه لر

اوُجاق  باشدا  اِرته که لی  اِجه لر

حکات  آیئد سا   گیجه بتر سؤیجه لر

حکات  لارا  چئندان  غولاق  آساردئق

گیجه  دوٌیشده  دِ وئنگ باشئن  کسر دیک

غارری  گوٌرگن  گِشدی یاغشی آدام لار

ایل  حایری اؤچین  حایئر غادام آدان لار

بیر  بیره گینگ  سفرا سئندان  دادان لار

داد  الینگد ن   دوٌنیأ  یالان  دوٌنیأ  سن

یاغشی  لاردان آیرا سالان دوٌنیأ سن

دوُست  یاردان  آیرا  سالان دوٌنیأ سن

ایندی  توپا ر  آرالارا    چکیلدی

یؤره ک  لرینگ  آرالاری  آچئلدی

موحأببت ینگ   دوُلی  جامی  دؤکولدی

غام کملمز  دِرد لِر  اوٌسته -  اوٌسته دیر

ائمئتئمئز  توٌسسه   بیلن   غوسسا  دیر

 دنگ سئز لیگینگ عالاماتی توپار لار

توپار چکیب ایندی   اویده  بوقار لار

بیر زات آلسا  بیزدن الی یوُقار لار

باخیل لانیب  دییأر بیری  گلمه سین

گؤریب لنیب  دییأر بیری  گؤرمه سین

آخ  نیله سین آغئرت جکدأل  یورگی

بار آدامینگ دنگلیک بوُلسا  گرگی

سن آرکایین چیناب  ایجگ چورگی

سنگ اییأنینگ اییأن بولسا ایشچی لر

سنگ گییأنینگ گییأن بوُلسا غوُنگشی لار

غارری  گوٌرگن  سوُی لئغئمی اونئدسام

شاهاندازلی   توُی  گونئمی   اونئد سام

سوُی  دوُنئمی  سوُی  د یلیمی  اونئد سام

آرمان  اوُل گون ایل لر اؤزین   تانئماز

آتا   اوُغلئن  اِنه  غئزئن   تانئما ز

2 –

غارری   گورگن عاصئر لاری آشئردئم

آتانگ  سؤزون  نسل لرنه  غاوشئردئم

دیدیم  منم  شوکتلی  گون  یاشئردئم

بیلمه دیک لر باردئرئن  من  بیلسین لر

گلمه دیک  لر  تئز  اؤزینه گلسین لر

یوره ک  یانی هرگیزاؤیکن سیز اولماز

گوٌلوٌنگ یانی هرگیز  تئکن سیز اولماز

آدام زاد- دا  هرگیز واطان سیز  اولماز

اوزگه ایلده خوش مکانئم  یوق  منینگ

بار-دا بولسا  دوغری  سانئم یوق منینگ

گؤزل لرینگ  اوزگه سوُیی  سؤیمه سین

یگیت لرینگ  غام  دوُنئنی   گیمه سین

غازان لاردا  غایماق لی سؤیت غایناسئن

اؤز  الیمیز اؤز آرقامئز غاشئسئن  

خارمان لارمئز دریا یالی داشئسئن.

غزئل  گورگن حالئمئزا   دعا قئل

شوُر  سووئنگدان  دردیمیزه  دوا  قئل

اوغئل  غئز لانگ اوُقئسئن بوُلسئن عاقئل

د شمان لارئنگ پتنه لری  اؤسمه سین

ائنسان  اولان  ائنسان کوکین  کسمه سین

غارری گورگن اوقی دادئم   اویاند ئم

درد  الیندن  ترسه  گیمه  دایاند ئم

گرچک لرینگ اؤلوٌم لرنه  غیناندئم

دوٌین بیر  اوُن دئم  ایندی  ایکی اوٌچ اوُلدئم

اؤز اؤزیمی تاناما دئم  کئچئلدئم

غارری  گورگن   دم آلمانا هاوا کان

 یارالارغا  چالئنمانا  داوا  کان

قئلجاق  بوٌلسانگ قئلئنمانا  گوٌنأ  کان

ائنسان  منم  بوغنئم  بوغنا  ائسمایار

آجی پألیم  ائرسغال  لاری  کِسمه یأر

«غزیل  گورگن  دگمه دیگه  دگمه دیم

  دگن لره آصل باشئم  اگمه دیم »

ماظلوم لارئنگ  الین آرقا  دانگمادئم

ماظلوم  منم  الیم  آرقا  دانگد ئلار

گوُز  یاش لارئم  غورساغئما دامدئلار

غارری  گورگن  بویدان  باشا زادیم یوق

ائشانمانا بوگون گِوین شادئم یوُق

ایت لرینگده دپترینده آدئم یوق

غورت غاجار لار بیزه بیر زاد برمدی

اؤزلری –ده  بیر یاغشی پای گوُرمدی

کؤنگلیم  یکه باشئم  یکه  غالماسئن

ایلیم  یکه  یوُلئم یکه  بوُلماسئن

دوٌنیأ  منی  اؤز تنیندن یوُلماسئن

آسیانئگ  دامارئنئنگ  غانی منگ

گِچمیشینینگ  گِلجِگینینگ سانی من

--------

غزئل    گورگن   غام  پیالا  چاقئلد ی

یوره ک لرینگ خاتئراسی  ییقیلدی

اِنه لرینگ  آجی یاشی دوکولدی

اوُنأ  بیله  دِوور  داغلی بوُلئبدئر

دوز اییه ن    دوزئنا  یاغی  بوُلئبدئر

غزئل  گورگن  غام سینانگا   دوُلماسئن

چاغا  لارئنگ  اؤزگه  آدی  آلماسئن

کؤینه دأبه  بوُغئلماقدا  بوُلماسئن

بالدان شرین  اِنه  دیلینگ  یاشاسئن

باغلارئنگدا غزئل گوٌلونگ  یاشاسئن

غزئل  گورگن  غوُنگشی اوُقارا نه بوُلدی

مِگر  یوُلدا  چانداق چوقئردا   غالدی

اؤیدن اؤیه  بارما ق  پکئر- ده  غالدی

یامان  زامان  اؤی لر اؤیه یاغی دور

نفس  الیندن  گؤزلر  گؤزه یاغی دور

غوُنگشی اوُقارا  اؤیدن اؤیه یتردی

سؤیت گتیریب یرینه قانت  قاتاردی

یوره ک لری  بیر بیرینه چاتاردی

غوُنگشی اوُقارا یوُل بوُیوندا یقیلدی

ایچیندأکی آق  آغوزی  دوکؤلدی

بو دِرد لره  دِ رمان بوُلسا  دؤزه لر

باشدان آیاق  آمان بوُلسا دؤزه لر

خالق ایسته گی  زامان گلسه دؤزه لر

من دیمه دیم دِردی داش لاردیدی لر

سینالاردا یاتان باش لار دیدیلر

غزیل  گؤرگِن یاش اولی لار کِیچلدی

یاش کیچی لر ایندی یاش اولی بوُلدی

غارا گؤزد ن  مگرغاش اولی بوُلدی

هی غاش – دا بیر گؤز جایئنی توتارمی؟

هی کول – ده بیرکوُز جایئنی  توتارمی ؟

غزیل  گؤرگن دانشمانا دردیم  کأن

کؤینِ حاقئم سوراشمانا مردیم کأن

یایلا لامدا سووئم  نانئم  یووردیم  کأن

اِجئز  حالئم  سورامانا  جان  گِره ک

جاندان  عزیز  مهربان ائنسان گِره ک

غزیل گورگن یاز آی لاری  یتنده

غزیل سووینگ بُز بولانئب آقاندا

یاپی لانگا ساری گوٌل لر  چیقاندا

سو  باشینی خازا- را چن چکردینگ

غزیل  سووینگ  عوُممان لارا غاتارد ئنگ

غزیل گوورگن بوغازئنگدان  غئسد ئلار

تمددونونگ  مُهرین  سانگا  باسدیلار

جانا  سالیان دامارلارئنگغی  کسدیلر

اوُمید لی بوُل  یاز لار گِلر آقار سن

أزیجی لنگ  ال لریندن  چئقار  سن

غارری گورگن  غارا  گون لر  گچرمی؟

اقبال بیزینگ  اؤچین غاپی آچار می ؟

ایل گون اؤزی  اؤز اقبالئن بیچرمی؟

نأ د ن  بیزه  گؤزل  دوران  گِلمیأر

" کوپ غاراشدئق عاجاب اییام گِلمِیأر »

یازگلنده  بیزده بایرام  توتیلماز

سؤیجی سؤزلر بیر- بیرینه غاتیلماز

عاشئق لاردان یوماق آلئب آتیلماز

دیدیم اوُنأ بیله غارری  گؤرگه نیم

دیدی منگده دوُغوٌب شیله گوُرگه نیم

نوروز گِلسه بیزده بایرام  توتایلئنگ

خوُش سؤزلری خوُش سؤزلره غاتایلئنگ

یتیم چاغالارئنگ آدئن توتایلئنگ

گون لِریمیزبوُش آیلانئب دوٌرماسین

دِوورلرمئز تأزه لنسون گوٌلله سین

غئزئل گؤرگن قادئم گلیأن اوُغوز  من

دؤرت سوُیوُنگ ایچینده ساری یاغئز من

آد لی .دأبلی .توُیلی دوُلی د نگیز من

یریوٌزینده میلیون لارچا سانیم بار

کؤک لریم بار داماریم بار قا نیم بار

غئزئل  گؤرگن باشئنگ باشا چاتئلسئن

مِله سوونگ عوُممان لارا  غاتئلسئن

سنگده اوُغوٌل لارئنگ آدی توٌتئلسئن

هی شیله  حاق لار اوُدا  یانارمی ؟

قادار  بیله  کاضاسئنی  یایارمی ؟

غئزئل گؤرگن داغلارمئز ییقیلدی

هر هایسی بیر یاد ایل لره آتئلدی

بو دا بیله  اِسگی گلیأن  ناقئلدی

أر اؤلمأ نی  أره  دؤره مز دییر لر

ایچ  آلی دان  یار دِوره مز دییر لر

غارری گؤرگن قوربان عایدی گلنده

اؤی لر بایرام سفراسئنی  یایاندا

اولی  کیچی  تأزه دوُنئن  گِینده

بایرام گِزن  اؤیدن اؤیه بارئشسئن

یاغشی گون دیر  کینه توتان یاراشسئن

غارری گوٌرگن مککه چیلر گِلدیمی

یأده  گلر  گلر  سؤزی  دیلده می ؟

گؤریشن لر آلقئش پایین آ لد یمی ؟

من اوغلانکام  بای مککه - دن گِلردی 

بای خاتونی  بئزه توٌیتوک برردی   

غارری  گوٌرگن  داماد  توُیی  بوُلوُند ا

عاشق یگیت  ماغشوق غئزی آلاندا

توُی  گیجه سی کؤپ  مأره که  گِلنده

یاغشی لارمئر بیزدن- ده  بیرآد لاسئن

باغشی لارمئز بیر آیدئم – دا  یاد لاسئن

غارری گوٌرگن غئز لار غئزئل آیلایار

بللی  بُولوُر بیر غاپی – دا توُی بوُلوُر

اوٌچ گؤزل غئز  اؤیدن اؤیه آیلانار

غئزئلی   گؤرن غئزئلی سیلار آلنئنا  

اؤزلری - ده  آرزو ایلأر گِلینه   

غارری گوٌرگن   اوُتئراردئق  گیجه لر

گوٌررینگ  بارئن  گِتیررد یک گیجه لر

اوزاق  دانگغی آتئراردئق   گیجه لر

تأکی گوٌررینگ سوُنگی  ایته یتردی

اوُتئران لار بیرین بیرین   گید ر دی

غئزئل گوٌرگن  غئزئل سووئنگ غئزئل – دی

بیز  بیلمه دیک غئزئل نچون  اوٌزولدی

اوٌزیلن  سوُنگ  اقبال  باشغا یازئلدی

طبیغاتا    ایله دیلر دخالات

دخالات  ادن لر  قیلدی خجالات

طبیغات – دان آیئر دیلار اسالات

---------------

غارری گوٌرگن غئزئل سووئنگ غورئدی

یاپی لانگا چئقان گوٌلوٌنگ غورئدی

نئغمات برن دأ لی  چؤلینگ  غورئدی

چؤل لرینگه  بوغدای پامئق اِکن یوُق

غاوون ساقلاب  تلأر تیکیب یاتان یوُق

ایله  دیدیم  بو  دیاردان گؤچئلئنگ

اؤزگه ایلده  بارئب غاپی آچا لینگ

اقبال لارئنگ آچار لارنی تاپالئنگ

اوُل ایل لرینگ بوُلسئن سووی سوُناری

یایلا سئندا  بوُلسئن  ییلقی اینه ری

ایل لر دیدی  ینه بوُلسا یاغشی ایل

اتا بابا  گچن لرئنگ نانگشی  ایل

دوُغان غارداش  یاقین غوُلوُم غوُنگشی ایل 

منگ  بو یرده  داراختئم  بار کؤکوم بار

حقوقئم بار یاشامانا حاقئم بار

غارری  گوٌرگن گپه  غولاق آسان یوُق

یاغشی لارئنگ  ایز لارئنا باسان یوُق

اؤز غئنئندان باشغا غئنی کِسن یوُق

ایچی میزدن  یا سا دیلار یاغینی  

غوُییب بیزده  پرزند لرینگ داغینی

غارری گوٌرگن  گلجه گئمدن  غوُرکارام   

بیر  بوُلجاغئنگ بوُلجاغئندان غوُرکارام 

یا الهی    اؤزینگ بیزه  بر کِرم   

اوُغوز  نسلی بیر آوارا  بوُلماسئن

غانئم  غوُلدا غالئب  پارا لانما سئن

اسفند آیئنگ  بوُلدی   یگریم  بأش لری

پوٌرد ک لأب دیر ییلغئن لارئنگ باش  لاری

داراق  لئغی   أرره  توٌرره  غوش لاری

چاغا لاب دیر  دورلی غوش لار سایرایار

غوش  لار  منی  اؤز  حالئما  غوُیمایار

غارری  گوٌرگن  کنارئنگدا  سسیم  یوُق

گوٌرلای  دیسم  دینگلمأنه  کِسیم  یوُق

بیله   قادام   اورمانا- دا  دوُسئم  یوُق

غوُجالد ئم من آلتمئش یا شئنگ  ایچینده  

یکه  غالدئم  دنگئنگ دوشئنگ  ایچئنده

یاز  گِلنده  سیل  گِلردی  اوُی  لانگا

خوش  بوُلوُردی غارئب غئصئر بای لانگا

غوش  گِلردی  غانات  کاکئب  سیلینگه

غارری  گوٌرگن  بیر گؤمیلیب  غالما سن

ایل  اِلیندن  خاپا جایا  دؤنمِه سن

غارری  گٌرگن  ائچئنگ  دوُلی  ییلغین دی

آراسئندا  کبد ر. باراق . سوٌلگین  دی

ییلغین لارئنگ سایا لاری  سئرگئن دی

اردیبهشت  گِلیب  گوٌل لر آچاندا

توُموس گِلیب  گِرمه  غاوئن  بئشئنده

غئن  گؤرمِگین سانگا  دیسم غارری سِن

کاکالامدان  آتالامدان  غارری سن

ماختوم غولی  پئراغی – دان  آنگری  سن

واصپ اِدیبدیر  سنی  شاهئر  پئراغی

الهام دوٌنیأسی نینگ شاهئرچراغی

{  ماختوم غولی  ایلدن ایله  آرالار

هئجران  تیغی  بیلن یوٌرگ یارالار

غوُلوٌن  ساللاب  مارال  غاواق پری لر

اینر  اوُلئمئندان دألی  گوٌرگه نینگ }

دییب  آیدان عاجاب اوصافئن گؤرینگ

ییلدیریم لار چاقئب یاغئش  یاغاندا

یاغئش دینگیب ینه گوٌنش  دوُغوُندا

عألم غوُشوُر غالئب  نانگغئش لاناندا

سو  چئکردی  سندن صنم  سروی لر

کِتن  کوٌینک  مارال غاواق پری لر

غارری گوٌرگن  بولاغ  لارئنگ  غایناماز

کنارئنگدا  اوشاق لارئنگ  اوُیناماز

أرره  توٌرره  توراچ سوٌلگون سایراماز

یوُدا  لانگدان  ایل  آیاغی چکیلدی

درد الیندن  غایالارئنگ ییقیلدی

غئزئل  گوٌرگن  آی  دوُغوُندا  آغشام لار

آیئن آوُغشار آی  لارئنا  غاوشان لار

اِممأ  آی لارئندان آیرا دوٌشن لر

یوٌرک – ده  اوُد  غوُل لارئندا  ساز بوُلوُر

یاتا  بیلمز  اوزاق  گیجه  آز  بوُلوُر

غارری  گوٌرگن باشم  دومان  آیلادی

گِلدی خازان  داغ لانگ باشی  غایلادی

آجی  چای ئنگ  بولاغ لاری  غاینادی

سنینگ  نچون  بولاغ لارئنگ  غایناماز

غورئب  غالان چشمه لرینگ  بایناماز

بو یوٌرگیم  بیر گوٌررینگ –دش کوٌیسه یأر

ایکی  آرادا چایلی دمکش  کوٌیسه یأر

گوونیم  آچان  بیر غارئنداش کویسه یأر

گِل  اوُتور  دوست بیر یوٌرگی آچائلی

یار   الئندن  گوٌلیشیب    چای ائچئلی

غارری  گوٌرگن بایار باشئم  بولاندی

کیم لر باردی ایله  باشا سایلاندی

گؤزل  صحرام  غارغا لارا  پایلاندی

من بیلمِدیم  سنی   کیم لر غارغایار

چؤل لرینگده  غانات  کاکیار غار غالار

غارری  گوٌرگن  قهرامان لانگ دایانار

چؤل ائچئندن مهربان لانگ  اوُیانار

اوچئب  گیدن  دورنالارئنگ دوُلانار

بو تاغ لارئنگ آرا سئندان ایل چئقار

چاغالانگگا  سایراب دوران  د یل چئقار

گؤز باشئنگی زاود ره – دن آلار سن

بوُ غاز بوُلان بولیت لاردان دوُلار سن

یالقئم آتئب  توُلقئن آتئب  گِلر سن

سووا  دوٌشر آق اؤی لرئنگ  صوراتی

سو یوٌزوٌنده  غوش لار کاکار  غاناتی

یایلا لاردان  اوُبالاردان  گچر  سن

آیلام   تاولام  بوُلوب  یوُلئنگ آچار سن

گوٌل لر بوُلوب  توُقای  چؤکر  سن

خاپا   خانا  یوٌرگیندن  آیرئلار

خارابا لار  گوٌلستانا  اِوریلر

غارری  گوٌرگن سووئنگ سیله چئقمایار

تشنه  یاتان یوٌرک  لری  یاقمایار

غئزئل  آلا  شاماق  لارا  باقمایار

بیر  انه سن  یوٌرک  باغرئنگ  یاقدئلار

سنی  یاقئب  اؤز حالئنا  باقدئلار

غئزئل  گوٌرگن  سووئنگ چؤله  چئقاردی

یاب  بوُیوندان  یالقئم آتئب  باقاردی

پاختا   بوغدای . غارپئز . غاوون  .  بیتردی

بیر  غئران – دی میوه لرینگ کیله سی

باهاچئلئق  شیطان لارئنگ  حیله سی

غارری گوٌرگن  غئزئل سووئنگ  یاتماسئن

گوٌن  دوُغاردان  گوٌن باتارا  غاتناسئن

دوٌنیأ دوُلی  آغئر   لایا   باتماسئن

غئرمئلذا  سن   شاماق  لارا   یت ینه

مِله  سووئنگ  خازار  دریا غات  ینه

غارری گوٌرگن  یاشئمئزا باقان  یوُق

بیر غارئب بیز  باختا  بیجه چئقان یوُق

یوٌزدن  بیری  بیزده  اوُران اِکن  یوُق

یگیت لرئنگ  گِوین خوُشی ایش گرک  

مونگ  هوٌنأردن  بیر  هوٌنأره  باش گرک  

غارری گوٌرگن غار یاغئن لار یاغمایار

توُموس . توُموس غئش لار- دا غئش بوُلمایار

شوُل سبأبی سووئنگ داشئب  چوُغمایار

جنگگل لر مئز اوُد آلدی یأ  غئرئلدی

آدام لار  الیندن  نه گون  گؤریلدی

سو آلمانا گِلنده  بیر  سِلبی یار

سو  یوٌزوٌنه  دوٌشردی بیر زولپی  تار

غارری گوٌرگن بیلر می سن بیر –ده بار

نأزه نین لر بیر قارار- دا  دورمایار

یوٌرک بر سنگ غایدئب آلئب بوُلمایار

سگسن سکز ییلدا اسفند آیئندا

داغ  دامانا   ناوروز غاری یاغاندا

دوُلوب آقدی  سووی گوٌرگن غابئندا

کنارئنگا  گِلیب  گؤرن  دیدیلر

غارری  گوٌرگن  قادئم گوٌرگن دیدیلر

آنچا ییل لار آقمادئنگ سن بوُغئلئب

غایا سوٌیشیب کمر لرئنگ  سوُغئلئب

یوُل  تاپمادی  پکر باری یئغئلئب

سنی  بوُغوُن باری  گؤردی گوٌشلی – دن

غارری  گوٌرگن گوٌشل لردن گوٌیشلی سن

گوٌلستا نئنگ آد لی  بندی چئزیلدی

غوُرقئب آقا  لارا  عارضا یازئلدی

آچ  دیدیلر  دِروه زه لنگ  آچئلدی

غارری گوٌرگن آلدئنگ اوُندان  پاجئنگی

گؤکزد ینگ سن حا قیقا تئنگ  گوٌیجینی

غارری  گوٌرگن  گیدر  یوُلئم  کسئلدی

بوُقئرداغئنگ دامار لارئنگ  غئسئلدی

اوٌستوٌنگ  دوُلی ییلغئن  بیلن  باسئلدی

اوُلوم  لانگ  گؤمیلیب  غالماسا  یاغشی

ایچینگ  ماسلئق  بیلن  دوُلماسا  یاغشی

غارری  گوٌرگن آخرئنگ یوُق  اؤنگگونگ یوُق

دورلی  غوشلار  آواز  ادیأن دانگگئنگ یوُق

غازال لانگا  غوتارما یوُق سوُنگنگئنگ یوُق

ایندی سنینگ  غازال  لارئنگ  غوتارما ز

گوٌیچ لر  سنی  آیئرمانی  باشارما ز

غارری گوٌرگن اوٌلکأ لرمئز بارغارئب

یوُلا باریار اؤزی  اؤز باشین سارئب

اؤنوب  .اؤسوٌب  .دؤرأب اولالئب غاررئب

گچنلر  گچیب  دوور  گِلن لر  گِلیب

بای لار اؤنگکی بای دیر غارئب لار غارئب  

غارری گوٌرگن  بئزینگکی دأل چاغالار

بئزینگکی دأل  بئزی ساتیان آغالار

بئزینگکی  دآل  شهرلرهم اوُبالار

ایلینگ  ایلی اؤزگرد مآنه  حاقی یوُق

اؤز گپی نی  اوُتورت مانا  حاقی یوُق

توٌرکمن بوُلوب عاصر لاردا اونالدئم

حالال اییب  حالال گِییب  اولالدئم

اِکیب اوُرئب  باقئب دوُقاب  دوُلاندئم

ایندی  نچون  گؤزی گریان تاپئلیا

گِدای بوُلوب  اِلین سِریأن تاپئلیا.

یوُلئمئزا چیقدی چتی چمن لر

کسدی ایندی  یوُلئمئزی یامان لار

گشدی ساخاواتلی سویگی زامان لار

غارری  گوٌرگن کأ  گلمه سم خوُش ایندی

من سیز گچسه  توُموس  یاز و غش ایندی

مونگ ییل گچر  ینه توُموس  یاز  گلر

بلکه  بیر گون  سیله  غوبا  غاز  گلر

عاشق گلر  آنچا معشوق غئز  گلر

آق  غاوالی  گؤزل لرینگ  دولانار

چاغا لارئنگ چمن یوُلار گوُل بوُغار

شهریارئنگ  شرین سؤزین آلمادئم

قالبئن  آلدئم  اما  گؤزین آلمادئم

دردین  آلدئم  اما  درمان  آلمادئم

حیدر  بابا دردئنگ  بیلن  داغئم  بیر

آغشامئم  بیر  گیجه سحر  چاغئم  بیر

حیدربابا  شهریارئنگ  غوُجالدی

اوْل غوُجالدی  سنینگ باشئنگ اوُجالدی

شهریارئنگ آلئب  گیدن آجالدی

گلدی  بیر گون  دیدی بیزه کیمینگ بار

آلدی  گیددی  بیز دن – ده